2007 թվականի  ՀՀ  ԱԺ-ի համամասնական կարգով ընտրություններին մասնակցել են 1 392 285 ՀՀ քաղաքացիներ կամ ընտրելու իրավունք ունեցող 2 319 722  քաղաքացիների 60 տոկոսը: Արձանագրվել են հետևալ արդյունքները.   ՀՀԿ` 458 258 ձայն, 33,91 տոկոս, 41 պատգամավորական մանդատ:   ԲՀԿ`204 483 ձայն, 15,13 տոկոս, 18 մանդատ: ՀՅԴ`177 907 ձայն, 13,16 տոկոս, 16 մանդատ: ՕԵԿ`95 324 ձայն, 7,05 տոկոս, 8 մանդատ:  Ժառանգություն`  81 048 ձայն, 6,00 տոկոս, 7 մանդատ: Ընդհանուր առմամբ ընտրությանը մասնակցած քաղաքացիների ձայների միայն 75,25 տոկոսն է եղել արդյունավետ:  ՄԱԿ-ը 59 271 ձայնով`4,39 տոկոս, ԱՄԿ-ը 49 864 ձայնով`3,69 տոկոս, ՆԺԿ-ը 47 060 ձայնով`3,48 տոկոս,  Ժող.Կուս-ը 37 044 ձայնով`2,74 տոկոս  և   ԴԿ-ը  32 943 ձայնով`2,44 տոկոս, դուրս մնացին խորհրդարանից: Նրանց ձայն էր տվել ընտրությանը մասնակցած ընտրողների  16,74 տոկոսը` պատգամավորական  20 մանդատ: Նախընտրական խելացի և ճիշտ հաշվարկված դաշինքների ձևավորման պարագայում խորհրդարանում պատկերը կարող էր որոշակիորեն փոխվել: Ձայների մնացած 8,0 տոկոսը  հավաքել էին ընտրությանը մասնակցած մնացած 13 կուսակցությունները` ևս   10 մանդատ: Իհարկե սրանք տեսականորեն հնարավոր տարբերակներն են, սակայն կարծում եմ, որ նախընտրական ժամանակահատվածում է, որ կրքերի սրման և սառը դատողության բացակայության հետևանքով փոքր կուսակցությունները զրկվում են խորհրդարանում ներկայացված լինելու իրավունքից: Փոշիացվել է ընտրողների ձայների 25 տոկոսը: Ցավոք շատ կուսակցությունների ղեկավար-առաջնորդներ ավելի շատ մտածում են անձամբ իրենց, այլ ոչ թե ժողովրդի և իրենց կուսակից ընկերների մասին: Արդյունքում համամասնական կարգով ԱԺ-ում նախատեսված 90 պատգամավորական մանդատների շուրջ կեսը`45,5 տոկոսը բաժին է ընկել մեկ կուսակցության` ՀՀԿ, ևս 38 տոկոս 2 կուսակցության` ԲՀԿ-ին և ՀՅԴ-նը: 2007 թվականին Համամասնական ընտրակարգով պարտություն կրած կուսակցությունները`ինչպես խորհրդարանական, այնպես էլ արտախորհրդարանական, շեշտադրումը պետք է դնեն  ոչ թե  Մեծամասնական ընտրակարգը վերացնելու, այլ Համամասնական 90 պատգամավորական մանդատները քաղաքական դաշտի ավելի լայն տիրույթին հասանելի դարձնելու մասին: Շատ մեծ շռայլություն է ընտրողների ձայների մեկ քառորդը`25 տոկոս փոշիացնելն ու Մեծամասնական-Համամասնական խաղալը: Մեր սոցիոլոգիական ուսումնասիրությունները վկայում են, որ հիմնականում հենց այդ 25 տոկոսն է կարիքից դրդված, դժգոհ, հուսալքված, գնում Հային ոչ վայել, ստորացուցիչ, իրենց և իրենց երեխաների ապագան վաճառող քայլերի: Շտկելով Համամասնականի սխալներն ու բացթողումները, կթուլացնենք, էականորեն կնվազեցնենք Մեծամասնական 41 մանդատների ոչ միայն քանակական, այլ նաև որակական տեղաբաշխումը: Ապրիլի 7-ին, սիրելի այցելու,  Ձեզ կներկայացնենք  < ՆՈՅ-ՖԻՄԱ >-ի  կողմից  սթ.  փետրվարի 28-ից ապրիլի 3-ը իրականացրած  սոցիոլոգիական ուսումնասիրությունների արդյունքները: